Од 18 септември до 13 октомври 1972 година, во главниот град на Македонија се одржа ХХ Шаховска олимпијада – настан што засекогаш го впиша Скопје на светската шаховска мапа.

Сите партии и главни настани се одржаа на тогашниот Скопски саем, а учесниците беа сместени во новоизградениот хотел „Континентал“ и во „Олимпиското село“ на Водно.

Настанот се очекуваше со посебен интерес, бидејќи се одржа веднаш по „мечот на столетието“ меѓу Боби Фишер и Борис Спаски во Рејкјавик.

Оваа Олимпијада беше прва што се одржа со компјутерска поддршка, на 78 демонстрациони табли, преку кои публиката ги следеше партиите во живо. Учествуваа рекордни 373 шахисти од 63 земји, меѓу кои 35 велемајстори и 68 интернационални мајстори. Одиграни беа вкупно 2.728 партии, а 200 судии ги надгледуваа шаховските табли.