Фудбалерите на Барселона вчера во рамките на 33. коло од Ла Лига ја совладаа Селта со минимални 1-0 и ја задржаа предноста од девет бодови во однос на најблискиот конкурент, Реал Мадрид.

Сепак, триумфот остана во сенка на повредата на Ламин Јамал, како и на поништениот гол на каталонскиот состав поради крајно сомнителна офсајд ситуација.

Во 55. минута, Феран Торес ја затресе мрежата и ја зголеми предноста на Барселона, но само неколку секунди подоцна погодокот беше поништен. Подоцна беше објавена и фотографија од спорната ситуација, која не нуди јасен доказ дека напаѓачот бил во недозволена позиција.

По натпреварот, реагираше и самиот Торес, кој преку социјалните мрежи сподели фотографии од контроверзниот момент и упати критики кон челниците на лигата, вклучително и кон претседателот на Ла Лига, Хавиер Тебас.

ВИДЕО | Победа на Барселона во сенка на повредата на Ламин Јамал