Екипата на Спортинг славеше со 4-2 против Санта Клара, но наместо фудбалот, во прв план се најдоа судиските одлуки кои предизвикаа бурни реакции во португалската јавност.

Натпреварот донесе низа спорни моменти, а дел од нив, според критичарите, директно оделе во корист на „зелено-белите“. Во ситуација кога трката за титулата во Португалија е крајно неизвесна, ривалите не останаа неми.

Иако не беа директни учесници во овој дуел, Порто и Бенфика јавно реагираа преку социјалните мрежи. Двата клуба објавија снимки од контроверзните ситуации, со јасна порака дека критериумот на судење бил невообичаен.

Qual o critério desta jornada? pic.twitter.com/5ijZ4jHf0T

— FC Porto (@FCPorto) April 3, 2026

Од таборот на Порто посочија на како што велат, недосуден чист пенал за Санта Клара, споредувајќи го со многу полесниот пенал што претходно му беше досуден на Спортинг. Од друга страна, Бенфика објави компилација од повеќе спорни одлуки, алудирајќи на серија грешки кои влијаеле врз текот на натпреварот.

JÁ NEM HÁ VERGONHA! pic.twitter.com/KGzPFlUpVq

— SL Benfica (@SLBenfica) April 3, 2026