ВИДЕО: Без победник во француското дерби
Дербито на 20. коло од француската Лига 1 помеѓу Олимпик Лион и ПСЖ заврши без победник 1:1.
И двете екипи настапија ослабени, посебно ПСЖ кај кого недостасуваа Меси, Нејмар, Ди Марија, Хакими…
Во нивно отсуство, домашниот тим поведе уше во осмата минута преку Лукаш Пакета.
По примениот гол, „светците“ ја презедоа иницијативата, ја имаа контролата на топката и во првиот дел Килијан Мбапе ја погоди стативата, но предноста на Лион остана.
Во второто полувреме и двете екипи имаа свои шанси, а својата шанса ја искористи ПСЖ кој во 76 минута преку Тимо Керер постигна гол за израмнување.
По 20 коло, ПСЖ останува лидер на табелата со 47 бода, 11 повеќе од второпласираната Ница, додека Лион се наоѓа на 11 место со 25 бода, но има и натпревар помалку.