Барселона и официјално го комплетираше трансферот на германскиот репрезентативец Карим Адејеми, кој стана второто засилување на каталонскиот гигант во актуелниот летен преоден рок, по доаѓањето на Ентони Гордон од Њукасл.

Иако трансферот на Гордон беше во центарот на вниманието, во Барселона веруваат дека и ангажманот на Адејеми ќе има големо значење за тимот во новата сезона.

Напаѓачот пристигнува од Борусија Дортмунд, која одлучи да го продаде бидејќи неговиот договор истекуваше за една година, а тој не сакаше да ја продолжи соработката.

Според договорот меѓу двата клуба, Барселона ќе плати 22 милиони евра, а Борусија може да инкасира дополнителни седум милиони преку бонуси поврзани со настапите и учинокот на фудбалерот. Германскиот клуб обезбеди и 20 проценти од евентуалниот иден трансфер на Адејеми.

Германскиот репрезентативец стави потпис на договор со важност од пет години и се очекува да му понуди повеќе офанзивни решенија на тренерот Ханси Флик.

No parpadees. Bienvenido, Adeyemi 💙❤️ pic.twitter.com/3VQGOJQanD

— FC Barcelona (@FCBarcelona_es) July 23, 2026