ВИДЕО | Бајден побара војнички грав, но доби пица – на американските војници во Полска им порача: Борете се за триумф на демократијата
Американскиот претседател Џозеф Бајден денеска ги посети американските војници стационирани во Жешов, место во југоисточна Полска, кои таму пристигнаа за засилување на Источното крило на НАТО и притоа им се заблагодари за одбраната на демократијата од автократите.
-Вие сте одлична група жени и мажи. Сакам да ви се заблагодарам што се жртвувавте. Мојот син беше во Ирак и шест месеци на Косово. Беше горд на униформата што ја носеше. Тој волонтираше, како и вие, изјави Бајден пред војниците на почетокот на дводневната посета на Полска.
Бајден на американските војници од 82-та воздушна дивизија им кажа дека сега влогот е кој ќе триумфира, демократијата и нејзините вредности или автократите.
-Ние сме среде војна меѓу демократијата и олигархијата. Сè се менува. Демократијата бара консензус. Она што го правиме не е само одбрана на Украина, ние се бориме за тоа како вашите деца и внуци ќе ја видат слободата. Во последните 10 години гледаме огромно намалување на бројот на демократиите. Ова е момент на тестирање, рече Бајден.
Американскиот претседател додаде дека генерацијата од која сега се војниците се наоѓа на пресвртница.
This afternoon, I met with members of the 82nd Airborne Division on the ground in Poland. These folks are serving alongside our Polish Allies to bolster NATO’s frontline defenses. They’re doing incredible work and I’m grateful for their service. pic.twitter.com/mXu50UuRWI
— President Biden (@POTUS) March 25, 2022
-На секои четири или пет генерации доаѓа моментот кој суштински менува сè. Светот веќе нема да биде ист. Прашањето е кој ќе триумфира, демократијата и вредностите или автократите, рече Бајден.
Бајден побара да вечера со американските војници и побара грав, но му понудија пица.
Војниците кои беа покрај него исто така зедоа парче пица.
Joe Biden met in #Rzeszow with the #US military stationed there and ate pizza with them. pic.twitter.com/gKY9vga2qE
— NEXTA (@nexta_tv) March 25, 2022
Пред тоа Бајден отиде и кај фризерот во базата.
И полскиот претседател Анджеј Дуда, кој задоцни на средбата со Бајден поради техничките проблеми со неговиот авион, што мораше да се врати во Варшава, за подоцна да пристигне со резервен, попладнево се наоѓа во Жешов , но на средба со полските војници.
Бајден и Дуда чекаат на разговори со претставници на хуманитарни организации кои се занимаваат со прием и помош на бегалците од Украина. Полска прими повеќе од два милиони украински бегалци.
Watch live as I receive a briefing on the humanitarian response to ease the suffering of civilians inside Ukraine and to respond to the growing flow of refugees fleeing Putin’s war of choice. https://t.co/8utsgGNwWt
— President Biden (@POTUS) March 25, 2022
Претседателите на САД и Полска вечерва се селат во Варшава, каде Бајден утре ќе го има главниот дел од програмата. Тој ќе има билатерални разговори во Варшава, ќе го посети Националниот стадион, каде што се регистрирани украинските бегалци, а во Кралскиот замок ќе им се обрати на Полјаците и Европејците.