Баерн Минхен во еден чуден натпревар со три црвени картони го совлада Дармштад со 8:0.

Во првото полувреме не видовме голови, но затоа имаше три црвени картони. Домаќините уште во четвртата минута останаа без Џошуа Кимих, а веќе во 21. минута силите беа израмнети бидејќи на албанскиот фудбалер Гјасула му беше покажан патот кон соблекувалната.

На пет минтуи пред паузата исклучување заработи и Маглица, па Баерн доби играчка предност која знаеше како да ја искористи.

Второто полувреме беше вистински гол-шоу на домаќините кои во 45 минути осум пати ја погодија противничката мрежа. Хет-трик постигна Кејн кој успеа да погоди и од половина терен при резултат 4:0, по два гола постигнаа Сане и Мусиала, а во листата на стрелци се запиша и Милер.

Во останатите натпревари кои се играа денес Аугусбург го победи Волфсбург со 3:2, Менхенгладбах беше подобар од Хајденхам со 2:1, Хофенхајм на гости славеше против Штутгарт со 2:3 и Вердер дома го совлада Унион Берлин со 2:0.