Го дознавме и третиот полуфиналист во Купот на Италија, фудбалерите на Аталанта приредија изненадување откако на стадионот „Сан Сиро“ со 2:1 го совладаа Милан.

Најпрвин тренерот на гостите Гасперини доби црвен картон поради приговор кон судиите.

„Росонерите“ дојдоа први водство преку Леао во 45 минута, а непосредно пред паузата клубот од Бергамо израмни со погодокот на Купмејнерс (45+2`).

Холандскиот интернационалец Купмејнерс беше херојот на Аталанта запишувајќи се и по втор пат во листата на стрелците во 59 минута од пенал.

Противник на Аталанта во полуфиналето ќе биде Фиорентина која претходно на пенали ја елиминираше Болоња.

Вториот полуфинален пар во ова натпреварувањето ќе го дознаеме по завршувањето на последниот четвртфинален дуел закажан в четврток меѓу Јувентус и Фросиноне, а победникот ќе игра против Лацио кој ја исфрли Рома на стадионот „Олимпико“.