Астон вила обезбеди место во финалето на Лига Европа откако убедливо го совлада Нотингем со 4-0 во реваншот и со вкупни 4-1 го завери пласманот во борбата за трофејот. Во големото финале англискиот состав ќе игра против Фрајбург, кој по драматичен двомеч ја елиминираше Брага со вкупни 4-3.

Тимот од Бирмингем поведе во финишот на првото полувреме преку Воткинс, а во продолжението целосно доминираше на теренот. Буендија од пенал зголеми на 2-0, по што Мекгин со два гола ја потврди убедливата победа и стави точка на мечот.

Во второто полуфинале, Брага уште на стартот западна во проблеми откако остана со играч помалку по црвен картон во шестата минута. Фрајбург тоа знаеше да го искористи и уште во првото полувреме преку Кублер и Манзамби создаде сигурна предност од 2-0.

Германскиот тим продолжи во ист ритам и во вториот дел, па Кублер со својот втор гол зголеми на 3-0. Брага успеа да намали преку Виктор и накратко да ја врати неизвесноста, но португалскиот состав немаше сили за уште еден погодок што ќе донесеше продолженија.

Финалниот натпревар во Лига Европа е закажан за 20 мај со почеток од 21 часот.