ВИДЕО | Апсења на границата меѓу Полска и Белорусија : Мигрантитe упаднаа на територијата на Полска, полицијата ги приведе
Полските безбедносни сили уапсија околу стотина мигранти во текот на ноќта кои се обиделе да ја преминат границата од Белорусија, соопшти полското Министерство за одбрана.
Група од околу 100 мигранти беше уапсена од полските служби“, соопшти Министерството, обвинувајќи ги белоруските сили дека „ги принудуваат мигрантите да фрлаат камења по полските војници за да им го одвлечат вниманието“.
Видеото објавено од Министерството за одбрана покажува дека полските војници опкружуваат голема група мигранти групирани во близина на ограда од бодликава жица.
Стотици мигранти кои кампуваа на студот на границата меѓу Белорусија и Полска беа префрлени во блискиот магацин на територијата на Белорусија, а некои се уште имаат надеж дека ќе влезат во Европската унија.
Полската граничарска служба објави видео на Твитер на кое се гледа како белоруските сили ги земаат мигрантите и ги качуваат во автобус со кој ги пренесуваат до граничната линија
Белоруската државна новинска агенција Белта објави дека мигрантите биле преместени во зграда слична на магацин на околу 500 метри од границата, што им дало можност да се одморат во затворени простории по многу денови поминати во шатори.
Белта наведува дека околу 1.000 мигранти се согласиле да се вселат во зградата во вторник, за да „почекаат да се реши ситуацијата“, а некои од нив рекле дека не планираат да се вратат во матичните земји. Најголем дел од просторот во зградата бил доделен на мигрантите, на кои им била понудена храна, вода, медицинска помош, душеци и перници, наведува агенцијата.
Сепак, некои мигранти одлучиле да останат во камп во близина на границата. Префрлањето во магацинското засолниште се случило откако мигрантите фрлале камења кон полските безбедносни сили, при што биле повредени 12 лица. Полицијата на нападите одговори со водени топови и солзавец.
Варшава ги обвини белоруските сили за поттикнување на конфликтот, додека владата во Минск ги осуди „насилните акции“ на Полска.
#Belarus The Polish Ministry of Defense reported that migrants attempted to cross the border in Dubichi tonight. A group of about 100 people was detained by the Polish police. pic.twitter.com/tHfXnbqIxM
— Hanna Liubakova (@HannaLiubakova) November 18, 2021
