Двајца активисти за заштита на животната средина од еколошката група „Стоп за нафтата“ (Just Stop Oil) се уапсени денеска откако со спреј го испрскале древниот праисториски споменик Стоунхенџ во Вилтшир, Велика Британија.

Британскиот премиер Риши Сунак го осуди инцидентот и го нарече „срамен вандалски чин“, објави Би-би-си.

Двајцата демонстранти се идентификувани како Ниам Линч, 21-годишен студент од Оксфорд и Рајан Наиду, 73-годишен од Бирмингем, се вели во соопштението на еколошката организација. Групата рече дека бојата е всушност портокалов прашок што „ќе се измие на дожд“.

Инаку, Стоунхенџ е дел од светското наследство на УНЕСКО и е едно од најпосетуваните туристички места во Велика Британија. Организацијата за заштита на животната средина објасни дека го бојадисала споменикот, бидејќи бара од следната влада на Велика Британија да ја запре експлоатацијата на нафта, гас и јаглен до 2030 година.

„Продолжувањето на согорувањето на јаглен, нафта и гас ќе резултира со смрт на милиони. Мораме да се обединиме за да го одбраниме човештвото или да ризикуваме сè“, рекол портпаролот на групата.

? BREAKING: Just Stop Oil Spray Stonehenge Orange

? 2 people took action the day before Summer Solstice, demanding the incoming government sign up to a legally binding treaty to phase out fossil fuels by 2030.

? Help us take megalithic action — https://t.co/R20S8YQD1j pic.twitter.com/ufzO8ZiDWu

— Just Stop Oil (@JustStop_Oil) June 19, 2024