ВИДЕО: Агресивен патник мавал по прозор на авион, барал да се симне откако авионот полетал
На социјалните мрежи се појави видео на кое може да се види бесен патник како клоца по прозорец на авион кој летал од Пакистан за Дубаи.
Полицијата го уапсила и депортирала мажот откако летот ПК-283 на Пакистанската меѓународна авиокомпанија слетал во Дубаи од Пешавар минатата среда.
ये पाकिस्तान की फ़्लाइट है 😂 pic.twitter.com/qR5WsXade3
— Dr. Shalabh Mani Tripathi (@shalabhmani) September 19, 2022
На видеото, стјуардесите се обидуваат да го смират патникот кој удира и клоца по седиштата, предизвикувајќи бучава и вознемиреност кај останатите патници.
Тие му рекле да престане – откако претходно тој го оштетил прозорецот со неговиот удар – велејќи му: „Немојте така“.
Според извештаите, патникот почнал да се однесува чудно по полетувањето и инсистирал да се врати во Пакистан.
#Watch: In a shocking incident, a passenger on a #Pakistan International Airlines (#PIA) #Peshawar to #Dubai flight created chaos midflight when he started kicking the aircraft's window, punching seats, and indulging in a brawl with the flight staff. @odysseuslahori @BushraGohar pic.twitter.com/sW1ILpUz5f
— Mahar Naaz (@naaz_mahar) September 19, 2022
Но, летот веќе тргнал и патникот станал сè понемирен за време на патувањето.
Патникот почнал да се моли легнат со лицето надолу на патеката, кога требал всушност да седи, предизвикувајќи чудни погледи од другите патници.
Може да се види дека човекот е бос и на двете видеа. Под кошулата имал елек, кој подоцна во летот го извадил.
Откако станал поагресивен, капетанот на летот контактирал со контролорот на летовите во Дубаи за да го предаде човекот на властите.
Обезбедувањето го уапсило патникот по пристигнувањето во Дубаи на 14 септември.
