ВИДЕО | Aдел со новата песна „Easy On Me“ покажа дека ранливоста е најголема сила

Адел

Kако што најави, британската пејачка конечно утрово го објави својот нов сингл „Easy On Me“, а обожавателите ширум светот коментираат на социјалните мрежи дека Адел повторно успеала да ги расплаче откако ја слушнале песната за првпат…

По петгодишна пауза, конечно имаме можност да слушнеме нова песна од Адел. „Easy On Me“ несомнено ќе стане инстант хит и најдобра најава за нејзиниот нов албум насловен „30“.

Ова тврдење е поткрепено со фактот дека за само десет часа од објавувањето на видеото на „YouТube“, повеќе од 17,953,599 прегледи и се вивна на 21-тото место на глобалната трендинг листа.

Воедно, според текстот на песната можеме да заклучиме дека ова е и нејзин личен дневник и приказна за разводот од сопругот Сајмон Конецки со кого има син.

Инаку, како што откри на својот инстаграм-профил, нејзиниот нов албум ќе го види светлото на денот на 19 ноември.