Во рамките на акцијата „Армагедон“, рано утрово, припадници на Службата за борба против организиран криминал, како и повеќе полициски администрации на територијата на Република Србија, уапсија 18 лица.

Во соработка со Обвинителството за високотехнолошки криминал во Белград, уапсени се Д.С. (1976) и Д.Х. (1961) од Белград, С.В. (1964) од Младеновац, С.А. (1978) од Обреновац, С.К. (1964) од Ниш, Д.Р. (1985) од Дољевац, П.И. (1972) од Краљево, Б.Ј (1989) од Лесковац, Ј.Ц. (1960) од Владичин Хан, В.Л. (1964) од Бач, И.Б. (1960) од Кикинда, А.И. (1984) и Е.И. (1980) од Нови Пазар, А.Ч. (1987) од Трстеник, Ј.М. (1964) од Ковин, Н.М. (1989) од Крушевац, З.М. (1972) од Рума и Д.М. (1960) од Кладово.

Тие се осомничени за сторени кривични дела прикажување, прибавување и поседување порнографски материјал и експлоатација на малолетничка за порнографија, експлоатација на компјутерска мрежа или комуникација со други технички средства за извршување злосторства против сексуална слобода против малолетничка, сексуално вознемирување и принуда.

Полицијата се сомнева дека тие контактирале со малолетничка преку Фејсбук и барале да биде фотографирана без облека и да им испраќа фотографии и видеа преку социјалните мрежа.

Исто така, осомничените на девојчето му испраќале фотографии и видеа со порнографска содржина и договориле состаноци со неа за сексуален однос, иако таа на почетокот на комуникацијата им рекла дека има 15 години.

Осомничените се приведени до 48 часа и истите ќе бидат изведени во надлежното обвинителство.