Макс Верстапен, актуелниот шампион во Формула 1 и возач на Ред бул, смета дека конкуренти да му ја преземат титулата нему и на неговиот тим се тимовите на Ферари и на Мерцедес.

Но, сепак, најголемата закана за Ред бул да не го повтори успехот од минатата сезона доаѓа од можните грешки и слабости во неговиот тим, а не од ривалите.

На прашањето од каде ќе дојдат неговите главни закани, Верстапен одговори:

– Се разбира, од тимовите кои ни се блиски, но мислам и на крајот на денот од нас самите. Мислам дека треба да ги контролираме работите и не можеме да си дозволиме да правиме премногу грешки. Се разбира, ние не сме роботи и сите прават грешки, но се обидувате да го минимизирате тоа.

Холанѓанецот доминираше во 2022 година со 15 победи на трки во текот на сезоната за да постави нов рекорд. Верстапен е фаворит пред стартот на сезоната, откако Ред бул немаше проблеми на претсезонските тестирања во Бахреин.

Ред бул ја брани и титулата во конкуренција на конструктори. Првата трка е викендов во Бахреин.