Ватикан отвора гробници поради мистериозен случај: „ПОГЛЕДНИ КАДЕ ПОКАЖУВА АНГЕЛОТ“
Ватикан најави дека ќе отвори две гробници поради случај стар 36 години.
Емануела Орланди имала 15 години кога исчезнала во 1983 година додека одела на час по флејта во центарот на Рим.
И покрај тоа што полицијата сметала дека се работи за класично киднапирање, случајот довел до бројни шпекулации за улогата на католичката црква во него и прикривање злосторство од страна на Ватикан.
Меѓутоа, 35 години по исчезнувањето на Емануела, анонимна дојава стигнала на насловните страници и повторно го разбудила интересирањето на јавноста.
Непотпишаното писмо ја содржело само реченицата: Погледни каде покажува ангелот, покрај фотографија на мермерна статуа на ангел над гробницата во тевтонските гробишта во Ватикан, кое е резервирано за црквени великодостојници од германско и австриско потекло.
Семејството на Емануела започнало петиција за Ватикан да ги отвори гробниците.
Портпаролот на Ватикан, Алесандро Џисоти, најавил дека ќе ја послуша молбата на семејството и ќе им помогне конечно да го тргнат велот на мистеријата.
Семејството Орландо, нивните адвокати и членови на Светата столица на 11 јули ќе се состанат за да сведочат на отворањето на гробниците.
Прелиминарната истрага покажала дека гробниците се отворани барем еднаш откога првпат биле запечатени.