Ваков сè уште не сте пробале: Како да направите кремаст домашен чоколаден сладолед
Малку труд за да уживате во овој десерт. Со само четири едноставни состојки, ќе добиете сладолед што ќе ве воодушеви.
Состојки:
- 500 мл млеко
- 5 жолчки
- 100 гр шеќер
- 200 гр чоколадо (60-70 отсто какао)
Подготовка:
Метален сад ставете 2 часа во замрзнувач. Ставете го млекото да зоврие, а жолчките и шеќерот добро изматете ги. Кога млекото ќе зоврие, тргнете го од оган, па додадете го чоколадото и мешајте додека не се растопи. Потоа додадете ги изматените жолчки и вратете на шпорет на тивок оган уште 2,5 минути. Мешајте. Бидете внимателни затоа што не смее да зоврие. Оставете да се излади 5 минути, а потоа извадете го садот од замрзнувачот и истурете го топлиот сладолед во ладниот сад. Промешајте. Вратете во замрзнувачот уште 40-50 минути. Извадете, промешајте, па вратете во замрзнувач 40-50 минути. Потоа сипете во садот во којшто ќе го чувате сладоледот и ставете го преку ноќ да се замрзне.