Италија се гордее со својата традиција на сладолед. Во нормални времиња, веднаш штом ќе затопли, луѓето се редат пред продавниците за сладолед.

Денес тоа повеќе личи како посета во болница.

Ова е иднината на продажба на сладолед. Римскиот сладоледџија користи долга пластична „клешта“, со која низ дупка во преградата од плексиглас зема топки.

Паоло Константини, наградуван производител на сладолед, носи заштитна кацига со пластичен визир, пластични ракавици и маска.

„Може да го заборавите тоа што беше пред ковид-19, моравме повторно да го измислиме нашиот бизнис“, вели Паоло.

Пред неговата слаткарница има машина со дезинфицирање на раце.

На купувачите пред влегувањето со термички скенер им се мери температура, а на подот има црни и жолти ленти, кои го означуваат растојанието што мора да се почитува.

„Се обидуваме да се заштитиме себеси, персоналот и клиентите колку што можеме”, вели Константини.