На Украина ќе ѝ бидат требаат стотици милијарди долари странска поддршка за одржување на армијата во следната деценија, изјавија двајца украински министри на панел-дискусија на Светскиот економски форум во Давос, јави ДПА.

Украинскиот вицепремиер задолжен за евроатлантската интеграција, Тарас Качка, оцени дека доколку Русија продолжи со агресивната политика кон Европа и кон светот, вкупните трошоци за одбрана би можеле да достигнат и до 700 милијарди долари во наредните 10 години.

Министерот за економија Олексиј Соболев нагласи дека станува збор за средства што не се опфатени со државниот буџет на Украина и затоа би морале да се обезбедат од надворешни извори. Според неговите проценки, буџетските трошоци за одбрана во истиот период би изнесувале околу 500 милијарди долари.

Политико: Трамп се дистанцира од Зеленски

Украина веќе речиси четири години се спротивставува на руската инвазија со значителна меѓународна воена и финансиска поддршка.

Според податоците на Институтот за светска економија од Кил, досега на Украина ѝ е ставена на располагање воена помош во износ поголем од 234 милијарди долари.

ВИДЕО | Студ и мрак во Киев по новиот руски напад