Најмалку 20 лица загинаа, а 43 други се повредени во руските воздушни напади во украинските региони Запорожје и Дњепропетровск во ноќта од понеделник кон вторник, според локалните власти.

Во вкупно осум руски напади загинаа 16 лица во Запорожје, каде што беше погоден затвор, додека во три други напади загинаа 4 лица во Дњепропетровск, според властите во двата региона.

Андриј Јермак, шеф на администрацијата на украинскиот претседател Володимир Зеленски, го осуди извршувањето на „уште едно воено злосторство од страна на Русите“, осврнувајќи се на нападот врз затворот.

Украинскиот регионален гувернер во Запорожје, Иван Федоров, изјави дека зградите во притворниот центар се уништени, додека околните куќи се исто така оштетени. Според проценката што ја објави на Телеграм, најмалку 16 лица се убиени, а 35 други се повредени.

Регионалниот гувернер на Дњепропетровск, Сергеј Лисак, преку Телеграм проговори за четворица мртви и осум други повредени.

ВИДЕО | Украински напади со дронови во Ростов, едно лице загина