Убиен руски научник кој ја развивал вакцината „Спутник“, наводно го задавил провалник кој му влегол дома
Рускиот виролог Андреј Ботиков, кој помогна да се развие вакцината „Спутник V“ против коронавирусот, е пронајден убиен во неговиот дом во Москва, јавуваат медиумите.
Ботиков бил еден од 18-те научници кои учествувале во развојот на вакцината „Спутник V“ во Националниот истражувачки центар „Гамалеја“.
Властите отворија истрага за убиството, а веќе е приведен и осомничен – 29-годишен разбојник кој кој според надлежните упаднал во домот на Ботиков и го задавил научникот со каиш, по што избегал.
Од почетокот на војната во Украина, голем број високи руски функционери и бизнисмени-олигарси, од кои дел имаа потврдени врски со властите во Москва, беа пронајдени мртви или загинаа под мистериозни околности.