По разводот со Бред Пит, поради кој е во центар на вниманието на јавноста последните три години, Анџелина Џоли не сме имале прилика да ја видиме во машко друштво, туку само со децата.

Јавноста Анџелина ја спојуваше со неколку мажи досега – прво со британски бизнисмен, потоа со уметник од Камбоџа, а во последно време со колегата Колин Фарел и Кијану Ривс, што никогаш не беше потврдено.

Како што пренесува американскиот магазин „National Enquirer”, Анџелина се заљубила во телохранителот, а како што се наведува тој е причината за нејзиниот добар изглед и доброто расположение.

„Анџелина и тој секогаш се заедно. Секогаш кога е во нејзина близина се однесува како заљубена тинејџерка“ – откри неименуван извор за споменатиот магазин.

Актерката телохранителот го запознала на сетот на филмот „Those who wish me dead“ во Њу Орлеанс, а потоа се појави неговата девојка.

– Девојката се појави и ја следеше Анџелина со „очи на орел“, завршува изворот.