Полицијата во Мјанмар денеска уапси стотици демонстранти во најголемата акција од почетокот на протестите на граѓаните против воениот пуч на 1 февруари, кога беше соборена владата на премиерката Аунг Сан Су Чи, соопшти Асоцијацијата на политички затвореници.

„Дефинитивно можеме да потврдиме дека има стотици апсења”, се вели во соопштението на Асоцијацијата.

Во соопштението се додава дека десет автобуси со уапсени се упатиле кон затворот во Инсеин и дека во секое возило имало помеѓу 40 и 50 лица.