Полицијата постапувајќи по налог на шефицата на Обвинителството за гонење на организиран криминал и корупција Вилма Русковска уапси неколку припадници на Агенцијата за национална безбедност (АНБ) кои рекетирале познати скопски бизнисмени.

Станува збор за истражители на АНБ кои ја злоупотребиле својата положба и преку креирање на фиктивни кривични пријави уценувале сопственици на угледни компании, потврдија од истрагата за „Слободен печат“.

Дознаваме дека еден од приведените припадници на АНБ е фатен со 5.000 евра поткуп кој го изнудил од уценувана жртва во локал во скопски Карпош.

Истражителите ги запленуваат и компјутерите и телефоните на разузнавачите од АНБ кои се вмешани во скандалот со рекет на угледни бизнисмени.

Обвинителството повеќе детали за оваа акција ќе соопшти во текот на утрешниот ден.