Уапсени 154 лица, а притвор за 54 во протестите на жолтите елеци

Фото: Alain JOCARD / AFP / Profimedia

До 13 часот во Париз на демонстрациите на жолтите елеци беа уапсени 154 лица, а на 54 им беа изречени мерки притвор, јави дописникот на МИА.

За првата мобилизација по долга пауза, неколку стотици жолти елеци беа собрани од изутринава на различни места во Париз и особено на Плас де ла Бурс. Поворката продолжи кон авенијата Де Ваграм кон Триумфалната капија, која не е дел од трасата декларирана и овластена од префектурата. Полицијата им го блокира патот и употреби солзавец. Разни проектили беа фрлени врз силите на редот а беа подметнати и пожари. Според новинарите на самото место, многу насилници целосно облечени во црно се присутни во групата. До 13 часот беа уапсени 154 лица, а на 54 им беа изречени мерки притвор.

Движењето на жолтите елеци кое се појави пред скоро две години, на 17 ноември 2018 година, е граѓанското движење, антиелитно и кое се бори за поголема даночна и социјална правда. Сега тоа го бара својот втор здив по првата година во која ја вознемири Франција, со окупации на кружни текови и понекогаш насилни демонстрации.

Првите демонстрации за враќање на жолтите елеци, во саботата во Париз и во неколку големи провинциски градови, се тест за владата, која повеќе од се плаши од избивање на ново насилство на Елисејските полиња, каде што се забранети демонстрации, а од денес се спроведува и нова доктрина за одржување на јавниот ред и мир.

Полицијата мобилизира околу 3000 нејзини припадници од кои 160 на мотори за да го спроведуваат редот и мирот за време на демонстрациите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот