Денеска во последниот трет натпревар од елитните квалификации за пласман на Европското првенство, македонската фудбалска репрезентација за играчи до 17 години загубија од Словенија со 4:0.

Во словенечкиот град Крањ, домаќинот дојде до триумфот со двата голови на Јереб во 11 и 82 минута, а по еден погодок запишаа Балажич (43`) и Робин (90+2`).

Во квалификациската група А1, во претходните мечеви, најпрвин во градот Гросупље бевме совладани од Германија со 2:1, додека во Радомље со истиот резултат загубивме од Франција, иако први стекнавме водство.

Француската селекција во последното коло славеше над Германија со 2:0.

На конечната табела Франција го освои првото место со девет бодови, пред Словенија и Германија по четири, а Македонија заврши на последното место без ниту еден бод.