Илон Маск најави дека од следниот петок Твитер ќе воведе златни и сиви знаци за верификација, покрај стандардните сини ознаки.

„Златните знаци ќе бидат за компаниите, сивите за владите, додека сините ќе бидат за поединци (без разлика дали се познати или не)“, напиша Маск на својот Твитер профил.

Тој исто така додаде дека сите профили ќе бидат темелно проверени пред да добијат ознака.

„Поединците ќе можат да додадат мало лого до ознаката за проверка што ќе покаже на која организација припаѓаат, но само ако бидат одобрени од компанијата“, рече Маск и додаде дека следната недела ќе открие повеќе детали.

Твитер неодамна го одложи воведувањето на новиот „син тик“, кој требаше да стане достапен за сите корисници за 8 долари месечно. Тој најави дека новите сини ознаки повторно ќе бидат достапни од 29 ноември.

Воведувањето на новиот модел сини ознаки беше одложено поради огромниот број на лажни профили, од кои некои го имитираат и самиот Маск. Синиот знак беше прашање на престиж и можеше да го добијат само проверени профили, како оние на политичари, познати личности, новинари и други јавни личности.