Турција нема да се согласи со приемот на Шведска и Финска во НАТО доколку не преземат „конкретни мерки” за безбедносните прашања што ја засегаат, предупреди денеска висок претставник на турското претседателство.

Ибрахим Калин, портпарол на турското претседателство и близок соработник на претседателот Реџеп Таип Ердоган, прими делегации на дипломати од двете земји.

– Јасно им кажавме на нашите соговорници дека процесот (на нивното пристапување во НАТО) не може да напредува додека не се исполнат безбедносните грижи на Турција, со конкретни мерки и конкретни датуми, рече тој по петчасовните разговори.

Тој додаде дека соговорниците го забележале тоа и дека ќе го пренесат на нивните влади.

– Ќе продолжиме со разговорите кога ќе го добиеме нивниот одговор на нашите барања, изјави Калин.