Тринаесет мигранти смрзнаа до смрт обидувајќи се илегално да ја преминат границата во Турција
Вкупно 13 мигранти смрзнаа до смрт во источна Турција во обид илегално да ја преминат границата, јави ДПА.
Тринаесетмината мигранти успеале да ја преминат границата меѓу Иран и Турција, но потоа наишле на снежна бура, соопшти локална организација за човекови права.
Мигрантите стасале до планината во градот Чалдаран во округот Ван. Но, атмосферските услови биле толку тешки што службите за итни случаи не можеле веднаш да стасаат до мигрантите, соопшти гувернерот на провинцијата Ван Мехмет Емин Билмез.
Во моментов нема официјални информации за националноста на мигрантите, но се претпоставува дека 10 од нив се Авганистанци и тројца се од градот Кобане на сириско-турската граница.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот