Американската докторка Џен Кодл предупреди за три работи што треба да ги избегнувате пред да водите љубов, бидејќи тие можат да предизвикаат сувост, иритација и проблеми со ерекцијата.

Прво, таа предупреди за земање одредени антихистаминици пред да водите љубов. Таа објасни дека лекови како бенадрил и дифенхидрамин можат да предизвикаат несакана сувост на мукозните мембрани.

– Антихистаминиците можат да придонесат за сушење на вагиналните секрети. Тие можат да предизвикаат сувост во други делови од телото, но и во интимните области – рекла таа.

Друг проблематичен потег што таа го наведе е бричењето на интимната област непосредно пред секс.

– Кожата може да биде изгребана, испукана, иритирана, а триењето за време на сексот може да ја влоши. Затоа, направете пауза помеѓу бричењето и сексуалната активност – објаснила таа.

Третиот совет се однесува на алкохолот, особено за мажите. Докторката истакна дека умереното пиење може да им помогне на некои луѓе да се релаксираат, но претерувањето носи ризици.

– Секогаш препорачуваме алкохол само во умерени количини, но понекогаш може да ви помогне да се чувствувате подобро. Тоа е сосема во ред. Работата е во тоа што премногу алкохол, особено кај мажите, може да влијае на вашите перформанси. Обидете се да избегнувате прекумерно пиење, што е нешто што треба да го избегнуваме во секојдневниот живот – рекла таа.

Конечно, таа рече дека луѓето со алергии кои земаат антихистаминици треба да го планираат својот секс така што нема да го земаат лекот непосредно пред интимниот момент.