Иво Нисканен освои злато на 15 километри класичен стил (скијачко трчање) на Зимските олимписки игри во Пекинг.

Финецот имаше одлична трка и стигна до третиот златен медал на најголемото светско спортско натпреварување со време 37:54,8 минути. Водеше Нискакен буквално од првото до последното поминување и не им остави надеж на ривалите дека можат да го загрозат.

Нисканен беше најдобар во Пјонгчанг пред четири години на 50 километри, додека во Сочи во 2014 година го освои најсветлиот медал во екипен спринт. Тој веќе освои бронза во скиатлон во Пекинг.

По златото во скиатлон, Александар Болшунов стигна до сребрениот медал на 15 километри. Русинот се обиде, но Нисканен денеска беше недостижен за него. Заостана 23,2 секунди од победникот.

Јоханес Клебо го освои и вториот медал во главниот град на Кина. По триумфот во спринтот, Норвежанецот стигна до бронзата благодарение на одличната завршница на трката. Тој имаше минус од 37,5 секунди во однос на првопласираниот.