Тренчевска: Доколку ССМ достави барање за медијација во „Водовод”, МТСП ќе одреди медијатор
Откако Сојузот на синдикати на Македонија најави дека ќе побара од Министерството за труд и социјала да се јави во улога на помирувач за да се изнајде решение во ЈП „Водовод и канализација”, министерката за труд и социјална политика Јованка Тренчевска истакна дека доколку од ССМ достават барање за медијација, МТСП ќе одреди медијатор.
Доколку ССМ достават барање за медијација, секако дека ќе постапиме согласно Законот и ќе одредиме медијатор, кој што ќе се обиде да го реши проблемот преку медијација за да може штрајкот во ЈП „Водовод и канализација” да биде ставен во мирување се додека не се изнајде решение – рече Тренчевска.
Таа посочи дека претходно кога СОНК достави барање до Министерството за труд и социјална политика да одреди медијатори, беше постапено по тоа барање и беше одреден медијатор кој успешно ја спроведе медијацијата и беше потпишана спогодба.
Денеска на полноќ истекува рокот што Синдикатот и го даде на градоначалничката Данела Арсовска за одржување средба на која би „ги соочиле аргументите” или во спротивно вработените во скопски „Водовод и канализација” ќе стапат во штрајк