Трамп забранува илјадници ароми кои се користат во електронските цигари
Претседателот на САД, Доналд Трамп, истакна дека неговата администрација ќе побара забрана за илјадници ароми што се користат во електричните цигари, како мерка за борба против малолетничкото користење на овие уреди.
Администрацијата за храна и лекови ќе изработи водич за отстранување од пазарот на сите вкусови за е-цигари освен тутун, изјави министерот за здравство, Алекс Азар, за време на настапот со претседателот и неговата сопруга Меланија Трамп.
Трамп рече дека пушењето на електрични цигари станува голем проблем и дека сака да ги алармира родителите за тоа што се случува.
– Луѓето ќе видат за што зборуваме и мислам дека ќе бидат многу построги кон своите деца – додаде тој.
Меланија Трамп неодамна на „Твитер“ пишуваше за нејзината загриженост од големата приврзаност на децата со пушење електронски цигари.