Американскиот претседателот Доналд Трамп во изјави за радио „Фокс њуз“ рече дека  конфликтот во Иран ќе заврши „кога ќе го почувствувам тоа, ќе го почувствувам во моите коски“, пишува Политко.

Администрацијата на Трамп испрати мешани сигнали за времетраењето на војната, при што високи претставници на администрацијата понекогаш сугерираа дека војната може да трае од денови до месеци.

Трамп во вчерашното интервју рече дека очекува конфликтот да заврши наскоро, но додаде дека може да продолжи и на неодредено време доколку е потребно. Претседателот ги отфрли извештаите дека САД се соочуваат со недостиг на муниција.

– Никој нема технологија или оружје што го имаме ние – рече Трамп.

Иако претседателот посочи дека одлуката за завршување на војната на крајот ќе се базира на негова лична проценка, тој рече дека се консултирал со високи советници, вклучувајќи го министерот за одбрана Пит Хегсет, државниот секретар Марко Рубио и потпретседателот Џ.Д. Венс.