Американскиот претседател Доналд Трамп во интервју за „Тајм“ (Time) предупреди дека Израел ќе ја изгуби поддршката од САД“ ако го анектира Западен Брег.

Тоа нема да се случи. Нема да се случи, изјави Трамп за „Тајм“ осврнувајќи се на анексијата.

-Нема да се случи зашто им дадов збор на арапските држави. И не може сега да се направи тоа. Добивме одлична арапска поддршка. Нема да се случи зашто им дадов збор на арапските земји. Нема да се случи. Израел ќе ја изгуби целата поддршка од САД ако тоа се случи.

Во интервјуто за „Тајм“ Трамп истакна дека го натерал премиерот на Израел Бенјамин Нетанјаху да ја прекине војната во Газа и дека ако не го направел тоа, таа би можела да продолжи со години. Исто така истакна дека верува дека Израел и Саудиска Арабија би ги нормализирале врските до крајот на годината.

Го имаа проблемот со Газа и проблемот со Иран. Сега ги немаат тие два проблеми, изјави Трамп во врска со Саудиска Арабија.