Трагедија во Белград: Две момчиња се удавија на Ада Циганлија
Полицајци и членови на нуркачката единица на Жандармеријата попладнево од езерото на Ада Циганлија во Белград ги извлекле телата на две шеснаесетгодишни момчиња кои се водеа како исчезнати откако влегле во езерото и не испливале, јавиja локалните медиуми.
Во полицијата околу 17:30 часот било пријавено дека голем број матуранти, но и помлади средношколци кои го прославувале крајот на школската година, влегле во вештачкото Савско Езеро на Ада Циганлија, а двете помлади момчиња не излегле од водата.
Полициски патроли, како и Нуркачката единица на Жандармеријата, веднаш биле испратени на местото на настанот и ја започнале потрагата.
Српското МВР уште еднаш апелираше до децата и родителите да не влегуваат во езерото на Ада Циганлија бидејќи со тоа си го ризикуваат животот.
„Имајте предвид дека сезоната за капење не е отворена кај Ада Циганлија и затоа нема дежурна спасувачка служба на ова место“, се вели во полициското соопштение.