Трагедија со најмалку 14 мртви се случи во вчера вечер, покрај брегот на Бодрум, во југозападна Турција, кога потона гумен чамец што превезуваше нелегални мигранти и бегалци, објави турската телевизија ТРТ.

Турската крајбрежна стража започна операција за пребарување и спасување по повик кратко по 1 часот наутро од Авганистанец кој успеал да стигне до карпеста област и да побара помош.

Според информациите, чамецот со 18 нелегални мигранти и бегалци потонал десет минути по неговото заминување.

Бродовите на турската крајбрежна стража ги пронашле телата на 14 лица, додека уште две биле спасени.

Операцијата за пребарување и спасување продолжува за пронаоѓање на преостанатите две лица со учество на четири брода на турската крајбрежна стража и еден хеликоптер.