Данската ракометна репрезентација е новиот шампион на Европа. Домаќините на првенството денеска пред своите навивачи ја победија Германија со 34:27 во финалето во Хернинг и со тоа заслужено го освоија првенството.

Овој тим, можеби најдоминантен во историјата на спортот, сега е сопственик на сите големи титули. Данците се актуелни четирикратни последователни светски шампиони, како и олимписки шампиони од Париз.

Пред една година, тие ги декласираа Германците во олимпиското финале, а вечерва Германците им пружија значителен отпор. Иако нивните ривали беа „таму, им дишеа во врат“ цело време и не им даваа мир, Данска имаше одговор за секоја ситуација.

Тие одржуваа водство од два до три гола во поголемиот дел од финалето, а во самиот финиш го забрзаа темпото на ниво што го нема ниеден друг тим, и со тоа остварија убедлив триумф.

Неверојатниот квалитет на оваа данска генерација е очигледен во секој сегмент од играта. Германија беше блиску, но ќе им треба малку време да го победат овој моќен тим во големите натпревари.

🇩🇰 𝗘𝗨𝗥𝗢𝗣𝗔𝗦 𝗞𝗢𝗡𝗚𝗘𝗥 🏆👑

DENMARK ARE YOUR NEW #ehfeuro2026 CHAMPIONS! 😍 #puregreatness #handball pic.twitter.com/emJHzJjufc

— EHF EURO (@EHFEURO) February 1, 2026

Да потсетиме дека Данска ја победи Германија со 31:26 во групната фаза пред пет дена, додека нивниот единствен пораз на турнирот беше од Португалија, која на крајот го освои петтото место.

Најефикасен играч на победничкиот тим беше Симон Питлик со осум гола, додека МВП на шампионатот и најдобар играч во светот, Матијас Гидсел, и Хансен, постигнаа по седум. За Германија, Гргиќ, Кнор и Гола постигнаа по пет гола.

Матијас Гидсел од данската репрезентација е прогласен за најкорисен играч на турнирот. Повеќе на следниот линк ТУКА