Чајот од брусница благотворно делува на многу заболувања, особено на оние на урогениталниот тракт.

Освен што има здравствени придобивки, овој чај е и вкусен и многумина сакаат да го пијат како омилен топол пијалак.

Брусницата е здрава нискокалорична намирница, богата со влакна, витамини и минерали, меѓу кои преовладуваат витамините Ц, А, Е, минералите калциум, калиум, магнезиум и железо. Богата е со антиоксиданти, на кои им ги должи своите моќни лековити својства.

Бубрезите се одговорни за елиминирање на токсините, одржување на пХ на крвта, балансирање на електролитите и производство на одредени хормони.

Како такви, тие се многу важни за правилното функционирање на целиот организам. Особено е потребно да се води сметка за нивното здравје. Со цел да се спречи формирањето или да се помогне да се исфрлат веќе формираните камења во бубрезите, од голема помош е чајот од брусница.

Брусницата е богата со антиоксиданти, витамин Ц и влакна, а токму поради својот богат состав е многу моќна во лекувањето на голем број здравствени проблеми. Овој плод содржи и урсолна киселина, која има неверојатни антиинфламаторни (противвоспалителни) својства.

Како што веќе споменавме, чајот од брусница помага за заштита на здравјето на бубрезите, но и за исфрлање на камењата.

Свежата брусница, како и чајот, се користи во превенција и лекување на сите видови бактерии на уринарниот тракт. Одличен лаксатив е, го помага варењето, ја стабилизира работата на дигестивниот тракт. Чајот е добар за дијабетичари, бидејќи го регулира нивото на шеќер во крвта. Го чува здравјето на црниот дроб, а редовното пиење ја поттикнува елиминацијата на наталожените токсини. Лекува инфекции на кожата и очите и генерално е добар во лекувањето на бактерии и габи.