Во 18 градови во Италија, утре ќе има „црвена“ тревога поради топлотниот бран, објави италијанското Министерство за здравство.

Во Рим и Фиренца се очекува термометарот да достигне 38 степени, додека во Неапол и Милано ќе биде 37.

На островот Сардинија и во пошироката област на Бари, температурата, според прогнозите, ќе надмине 40 степени.

Како што нагласуваат италијанските власти, топлината и влажноста можат да предизвикаат сериозни проблеми, не само за постарите лица и граѓаните кои припаѓаат на ранливите категории, туку и за луѓето кои не се соочуваат со хронични здравствени проблеми.

Италијанското Министерство за здравство им советува на граѓаните да избегнуваат патувања од 11 до 18 часот, како и спортување на отворени простори. Во исто време, во однос на исхраната, советот е да се стави акцент на риба, тестенини, зеленчук и овошје.