Израелскиот премиер Бенјамин Нетанјаху вечерва ќе одржи состанок на кабинетот за безбедност, објавија израелските медиуми, откако американскиот претседател Доналд Трамп објави дека САД и Иран денес ќе потпишат Меморандум за разбирање за завршување на војната.

Високи израелски функционери изјавија за израелскиот Канал 12 доцна во вторникот дека условите на Меморандумот за разбирање ги загрозуваат безбедносните интереси на Израел и дека Вашингтон се согласил со главните услови на Техеран, објави „Тајмс оф Израел“.

Израелските функционери го критикуваа Меморандумот за тоа што предвидува Иран да преговара за својата нуклеарна програма само откако војната формално ќе заврши и ќе бидат исполнети голем број други услови, вклучително и ослободување на замрзнатите ирански средства, објави Канал 12.

Трамп: Утре ќе го потпишеме договорот со Иран, Ормускиот Tеснец се отвора за сообраќај