Мачорот Лари го одбележа својот 15-ти роденден во официјалната резиденција на британскиот премиер во Даунинг стрит 10, каде со години бил постојан жител и тивок сведок на важни политички настани.

Лари пристигна во Даунинг стрит 10 на 15 февруари 2011 година од засолништето „Батерси за кучиња и мачки“ со задача да лови глувци во зградата каде што се носат најважните државни одлуки. На официјалната веб-страница на премиерската резиденција тој е претставен како „Главен ловец на глувци“.

Лари ги поминал деновите пречекувајќи гости, проверувајќи безбедносни системи и испробувајќи го мебелот за своите попладневни дремки.

Кога пристигна, премиер беше Дејвид Камерон, кој ја напушти функцијата во 2016 година по референдумот за излез на Обединетото Кралство од Европската Унија. Потоа следуваше мандатот на Тереза Меј, а потоа и на Борис Џонсон, чиј период беше обележан со контроверзии за забави во Даунинг стрит за време на пандемијата.

Лари беше присутен и за време на краткиот мандат на Лиз Трас, кој траеше само 49 дена, како и за време на мандатот на Риши Сунак, кој живееше во резиденцијата заедно со своето куче Нова.

Конечно, Лари ја доживеа и политичката промена во јули 2024 година, кога на премиерската функција дојде Кеир Стармер, лидерот на Лабуристичката партија.

По 15 години во срцето на британската политика, Лари останува најдолговечниот жител на Даунинг стрит – тивок набљудувач на историски политички промени.