Тимоние: Македонија мора да се справи со корупцијата која е видлива во администрацијата
Францускиот амбасадор во земјата, Кристијан Тимоние, денеска истакна дека нашата држава мора да спроведе сериозни реформи во јавната администрација.
– Суштински и квалитативни, а не квантитативни реформи и професионализација на администрацијата наспроти постојаната состојба на нејзина партизација – порача францускиот амбасадор во Скопје, Кристијан Тимоние, на денешната конференција во Скопје „Како понатаму?“.
Тој додаде дека реформата на јавната администрација е многу важен дел во процесот на пристапување на Република Северна Македонија кон ЕУ.
– И покрај добрата оцена за земјата во извештајот на ЕК, Република Северна Македонија треба активно да работи на суштински реформи и да се справи што поскоро со корупцијата која е особено видлива во администрацијата – нагласи францускиот амбасадор во Скопје.
Важноста на реформите во јавната администрација ја спомена и Френк Јанмат од делегацијата на ЕУ во Македонија, порачувајќи дека истата е многу важна за европскиот пат на земјава.