Полицијата денеска во Тетово уапси 30-годишен жител на градот, кој е осомничен дека заедно со уште еден тетовец, фрлиле молотови коктели врз казино во градот, со што повредиле двајца полицајци дојдени во казиното по претходна пријава, соопшти МВР.

„Денеска (18.03.2022) во 07.10 часот, полициски службеници на СВР Тетово го лишиле од слобода 30-годишниот тетовец А.К. поради сомнение дека заедно со тетовецот Н.Л.(34) околу 05.00 часот фрлиле шишиња со запалива течност во спортска обложувалница-казино на улица „Илинденска” во Тетово и предизвикале пожар. Притоа, со повреди се здобиле двајца полициски службеници кои во објектот преземале службени дејствија во врска со друг, претходно пријавен настан“, велат од полицијата.

Од МВР додаваат дека А.К. е задржан во Полициската станица Тетово за расчистување и документирање на случајот и против инволвираните ќе следуваат соодветни поднесоци.