На крстосницата помеѓу регионалниот пат кон селото Осломеј и улицата „Загорје“ во Кичево, вчера попладне се случила сообраќајна несреќа помеѓу автомобили „форд“ и „ауди“, двата со кичевски регистарски ознаки. „Фордот“ го управувал Л.Џ. (31) од село Зајас, а „аудито“ Л.Б. (23) од селото Стрелци.

Од ударот во „фордот“ избувнал пожар, кој бил изгаснат од екипа на Територијалната противпожарна единица Кичево.

Во несреќата е тешко повредено шестгодишно девојче од селото Зајас, додека возачот на „фордот“ е полесно повреден. И двајцата се прегледани во Медицинскиот центар Кичево.

Увид на местото на настанот извршила екипа од ОВР Кичево.