Триесет и двегодишен жител на Скопје се здобил со тешки телесни повреди од струен удар при извршување работни задачи во дворно место во Куманово, информира денеска од кумановската полиција.

„Вчера во 16:50 часот во СВР Куманово било пријавено од лекар од Итна медицинска помош дека кај нив бил донесен повредениот Б.К. (32) од Скопје. Тој се здобил со повредите додека работел во дворно место на улица „100“, сопственост на Д.Н. од Куманово. По укажаната прва помош, повредениот бил пренесен во Комплекс клиники „Мајка Тереза“ во Скопје за понатамошно лекување“ соопшти СВР Куманово.

Увид на местото извршила екипа од СВР Куманово, а за случајот биле известени јавен обвинител и инспектор за безбедност и здравје при работа од Државниот инспекторат за труд при Министерството за економија и труд. Полицијата презема мерки за расчистување на настанот.