По повод одбележувањето на Меѓународниот ден на толеранцијата (16 ноември) „Inner Wheel Клуб Скопје Еуропеа“ организира настан со тематски наслов „Осамени и ние и тие (како сѐ започна)“. Оваа тема ја третира осаменоста на повеќе категории граѓани.

Тематската трибина ќе се одржи на 19 ноември (среда), во Кинотека на Северна Македонија, со почеток во 18:30 часот. Настанот ќе го отвори претседателката на клубот, Гена Теодосиевска. Потоа ќе следува проекција на краткиот игран филм „Обичната Ели“ на режисерката Лавинија Софрониевска.

На трибината со свои искажувања учество ќе земат: Лаура Салиу, претставник на социјалниот сервис „Итно копче“ при Црвен крст на град Скопје; Елеонора Андонова, социјален работник при Црвен крст на град Скопје; Ивона Ѓорѓиева, психолог од Црвен крст на град Скопје; Тиана Ивановска, психолог од центарот „Себесложувалка“; и Игор Џамбазов, актер.

Модератор на настанот ќе биде Гена Теодосиевска. По завршувањето на настанот клубот организира дружење во фоајето на Кинотека на Северна Македонија.

Женската организација „Inner Wheel Клуб Скопје Еуропеа“ е основана на 17 декември 2016 година во Скопје и има 17 жени-членки, секоја од нив успешна и докажана во полето на коешто работи, со силен личен мотив за солидарност и помош на оние на кои им е потребна, како и со желба и можности за делување преку разни хуманитарни акции.