Бугарскиот спорт денеска е во жалост по веста за смртта на легендарниот Димитар Пенев, човекот кој останува запаметен како најуспешниот селектор во историјата на бугарската фудбалска репрезентација.

Пенев почина на 80-годишна возраст, а зад себе остави неизбришлива трага, пред сè со историскиот успех на Светското првенство во 1994 година, кога Бугарија под негово водство го освои четвртото место.

Како фудбалер, најголемиот дел од кариерата го мина во дресот на ЦСКА Софија, настапувајќи како дефанзивец. Со овој тим успеа да освои седум шампионски титули и пет национални купа.

Пенев беше и долгогодишен репрезентативец на Бугарија, настапувајќи на мундијалите во 1966, 1970 и 1974 година. Репрезентативната кариера ја заврши со 90 настапи и два постигнати гола, оставајќи длабок белег во историјата на бугарскиот фудбал.

Преземено од: Спорт.ком.мк