Тажна вест: Почина момчето на тенисерката Арина Сабаленка
Утрово ни пристигнува една тажна вест од светот од спортот, почина момчето на тенисерката Арина Сабаленка, Константин Колцов.
Колцов беше дел од рускиот клуб Салават УФА каде што работеше како помошник тренер, а неочекувано почина на 42-годишна возраст. Неговиот клуб ја потврди трагичната вест.
„Со голема тага известуваме дека тренерот на Салават Константин Колцов почина. Тој беше весела личност, сите го сакаа и почитуваа како играчите, така и колегите и навивачите. Засекогаш ќе остане запишан во историјата на нашиот клуб“, стои во соопштението на клупскиот сајт.
Тој е поранешен професионален хокејар кој играше на Олимпсиките игри во 2002 и 2010 година, а за репрезентацијата на Белорусија запиша 123 настапи постигнувајќи 23 гола и 21 асистенција. Во врска Сабаленка беше од 2021 година.