Татковците се бунат: Мајките го користат коронавирусот и полицискиот час како изговор да не им ги даваат децата

За ваквата појава алармира Наум Рибароски, претставник на здружението Заедничко родителство и по развод.

Епидемијата на коронавирусот, воведувањето на вонредна состојба и полициски час, им го отежна животот на децата кои имаат разведени родители. Имено, поради неможноста да се договорат двајцата поранешни партнери, и поволната состојба која што ја има родителот кој го добил старателството, голем процент од децата на разведени родители, си ги немаат видено татковците (бидејќи најчесто живеат со мајки) откако се воведе полицискиот час.

За ваквата појава алармира Наум Рибароски, претставник на здружението Заедничко родителство и по развод.

– Не знаеме каде да се обратиме, не знаемее кој е надлежен, јас немам проблем, но 90 проценти од луѓето не ги гледаат децата. Поранешните сопруги како причина ја наведуваат вонредната состојба, и самоволно ги прекршуваат решенијата. За овој проблем знаат и Центрите за социјални работи. Во некои центри кажуваат дека се суспендирани решенијата за видување,  во што ние не веруваме. Во други кажуваат, никаде не пишува дека е забрането да се гледаат децата, но родителите на децата сами да се договорат. Ама ако можеле да се договорат, не би имало потреба од инволвирање на центрите – вели Рибароски во изјава за Слободен печат.

Прочитајте и...  ВИДЕО | Професор Бојаџиев: Македонија треба да се развива како мегалополис

Околу 95 проценти од секундарните родители се татковци, а околу 90 проценти од нив имаат проблем да ги гледаат децата за време на полициски час, објаснува тој.

– Мајките не сакаат да направат никаков компромис во однос на часот кога треба да се преземе детето. На пример ако во решението за видување пишува дека треба во недела во 19 часот таткото да го предаде на мајката, а знаеме дека полицискиот час почнува во 16, мајките не оставаат простор за компромис, детето да се врати до 16, или евентуално да преспие кај таткото, па другиот ден да се однесе кај старателот – вели Рибароски.

Засегнатите родители бараат од Министерството за труд и социјална политика да излезат со став и соопштение, во кое би се прецизирале начините според кои ќе се раководат поранешните сопружници, а се со една цел, никому да не му биде одземено правото да биде со својот родител или дете.

Прочитајте и...  Денеска се регистрирани 807 нови случаи на ковид-19, а починати се 5 лицa

– Во соседните држави веќе видовме дека рестрикциите за движење не ги нарушија родителските права. Ние бараме и кај нас да се овозможи слободно движење кога децата треба да одат од едниот кај другиот родител – објаснува Рибароски.

Поврзани вести

ООН: Во Мјанмар денес беа убиени 38 лица и тоа е „најсмртоносниот“ ден од пучот

Илинка Иљоска

Снимка со дрон ги покажува сите последици од разорниот земјотрес во Грција

Илинка Иљоска

Средба на руски Сухој и два американски бомбардера над Балтикот

Слободен печат

Критички извештај на Стејт департментот: Организираниот криминал во Албанија пере пари и придонесува во корпцијата

Слободен печат

Спутник V стана „јаболко на раздорот“ во словачката влада

Слободен печат

Интерпол: Во Кина и Јужна Африка запленети стотици лажни вакцини против ковид-19

Слободен печат

Остави Коментар